Təzə nağıl: Əli Abbasov həbs oluna bilər? Yoxsa yeni vəzifə verəcəklər? (qısa şərh)

ali-abbasov
Sabiq rabitə və informasiya texnologiyaları naziri Əli Abbasov həbs oluna bilər. Bu barədə virtualaz.org-a istintaq orqanlarındakı məlumatlı mənbələr bildiriblər.
Qeyd edək ki, Rabitə Nazirliyinin həbs edilmiş, praktiki olaraq, bütün yüksək vəzifəli məmurları öz ifadələrində nazirlikdəki korrupsiya piramidasının başında məhz Əli Abbasovun durduğunu bildiriblər. Ələlxüsus, bu barədə dəfələrlə nazirliyin Aparatının keçmiş rəhbəri, qurumun tabeliyində olan müxtəlif idarələrdən “pay”ları və digər qeyri-qanuni ödənişləri tolpamış Vidadi Zeynalov da deyib.
Bundan öncə bir sıra kütləvi informasiya vasitələri Əli Abbasovun barəsində cinayət işinin başlandığını xəbər vermişdilər. “Trend” informasiya agentliyi də belə bir xəbərlə çıxış etmişdi. Lakin rəsmi olaraq istintaq orqanları sabiq nazir barəsində cinayət işi haqda məlumat verməyiblər.
______
Qısa şərh: İstintaq orqanları sabiq nazir barəsində cinayət işi haqda məlumat verməyiblər, çünki heç bir cinayət işi olmayacaq.  Hətta ola bilər ki, Əli Abbasov nazirlikdəki korrupsiya piramidasının başında durub, yuxarıdan gələn göstərişləri canla-başla yerinə yetirdiyi üçün bu yaxınlarda yeni vəzifəyə təyin ediləcəkdir. Bura Azərbaycandır! Burada hər şey mümkündür…(Mirzə Xəzər)
 

Leave a Reply

Your email address will not be published. Required fields are marked *

*